Herold

Laurdag vart Ivar Kvalen frå Luster vald til nytt toppverv i Senterpartiet.

Ivar Kvalen er i dag næringssjef i Luster kommune, men har også fleire periodar bak seg som ordførar i kommunen.

Laurdag vart han vald til ny fylkesleiar på Sogn og Fjordane Senterparti sitt årsmøte.

– Det er veldig kjekt å få ta til på leiarvervet i Sogn og Fjordane Senterparti. Eit parti og ein organisasjon eg har delteke i og som har vore ein stor del av livet mitt i snart 35 år. Det er og med litt ærefrykt eg tek til, Senterpartiet har lange politiske tradisjonar og har i stor grad vore det styrande partiet i Sogn og Fjordane og Vestland. Eg gler meg til å ta til og ser fram til mykje godt arbeid i organisasjonen, seier Kvalen i ei pressemelding.

Resten av fylkesstyret ser slik ut:

Fylkesleiar : Ivar Kvalen - Luster

1.nestleiar : Leidulf Gloppestad –Gloppen - ikkje på val

2.nestleiar: Silje Åsnes Skarstein - Stryn - ikkje på val

Studieleiar: Stine Fjellkårstad - Stryn

Styremedlem: David Underdal – Aurland - ikkje på val

Styremedlem: Emma Berge Ness - Sunnfjord

Styremedlem: Sidsel Kongsvik - Askvoll

1.vara: Hilde Horpen - Årdal

2.vara: Nina Elise Hjartholm - Sunnfjord

3.vara: Øystein Ragnar Aasebø - Stad

4.vara: Kristoffer August Vereide – Gloppen