Herold

Litt ut i januar i år har 67 prosent av hushaldningane i Modalen valt Norgespris, tilsvarande tal for Vaksdal kommune er 51 prosent.

Av totalt 177 husstandar i Modalen er det 119 som har valt Norgespris, og 1.063 av totalt 2.089 i Vaksdal kommune, kan nettstaden strompriser.no opplysa.

Innsparing

I fjerde kvartal har det vore positivt for økonomien til eigarane av hus og firtidseigedomar i området vårt å ha Norgespris, både modalingar og vaksdalingar sparte dei tre siste månadene i fjor 1.300 kr samanlikna med spotprisen. Innsparinga for område Vest-Noreg (NO5) var i oktober, november og desember høvesvis 230 kr, 530 kr og 550 kr.

Dette er det strompriser.no opplyser 16. januar. På same dagen i fjor var straumprisen 62 % lågare.

Den dyraste timen nokosinne var 30. august i 2022, då var prisen 9,75 kr/kWh. Den billigaste timen var - 0,32 kr 13. juli i 2025. Straumprisen hittil i år er i snitt 1.50 kr/kWh. Det er 113 % høgare enn same perioden i fjor.

Sør-Vest på topp

Nettsida kan også fortelja at pr. 12. januar hadde 50,7 % av hushaldningane i Vest-Noreg (NO5), valt Norgespris. Tilsvarande prosent for fritidsbustader er 69,59 prosent. I prisområde Sør-Vest-Norge (NO2), har heile 69,3 % valt Norgespris, og ligg høgast av dei fem prisområda i landet. Det gjeld også for fritidsbustader der 77,05 prosent i NO2 har valt Noregspris.

I område Nord-Norge (NO4), er det ingen som har valt Norgespris, verken av hushaldningar eller fritidsbustader.

40 øre pluss mva. - i heile 2026

Norgespris er ein ny straumavtale med fast pris på 40 øre per kWh (50 øre inkl. mva.). Du kan bestilla på elhub.no.

Avtalen vert administrert av nettleige-leverandøren din, og bind deg til 31.12.2026. Det er eit månadleg forbrukstak på 5.000 kWh for hushaldningar og 1.000 kWh for fritidsbusstader. Forbruk over dette vert kjøpt til marknadspris.

- Norgespris passar best for dei som ønskjer føreseielege straumrekningar. Ein kan framleis velja dagens straumstøtte om ein heller vil følgja spotprisen, heiter det på den aktuelle nettsida.