Herold

Ein lastebil fekk stans på toglinja i morgontimane tysdag. Det førte til full stans i togtrafikken.

Tysdag morgon vart det full stans i togtrafikken mellom Voss og Bergen.

– Ein lastebil med stans står over toglinja ved Evanger stasjon, melde operasjonsleiar Dan Erik Johannessen hjå Vest politidistrikt klokka 08:27.

Politiet rykte ut til staden.

Stod bom fast

Klokka 08:53 melde politiet at køyretøyet stod fast på glatta.

– Det kjem seg verken fram eller tilbake, sa Johannessen.

Ifylgje Hordaland sin journalist, som var på toget mellom Bergen og Voss, stod dei ei stund like før Evanger stasjon før dei rundt 08:35 fekk køyra til stasjonen.

Frakta vekk av bilbergar

Like etter klokka 09 melde politiet at bilbergar var på staden.

Lastebilen vart frakta vekk om lag klokka 09.20.

Det var svært glatt på staden, og politiet heiv ut grus då Hordaland var på staden rundt klokka 09.20.

Stansen påverka tografikken medan bilberginga pågjekk, men trafikken går no som normalt att.

Det var ein utanlands-registrert lastebil som var involvert i stansen.

Smartembed for https://rtd.banenor.no/web_client/std?station=VOS&layout=portrait&content=departure¬ice=yes&header=no&page=