Herold

119 fleire førsteklassingar i Rogaland har nynorsk som opplæringsmål dette skuleåret. 10 av dei er i Sola-skulen.

Sola er blant dei ni kommunane i Rogaland der antal nynorskelevar aukar, ifølge tal frå Utdanningsdirektoratet.

Lektor Trond Salte er prosjektleiar for prosjektet Meir mål i Rogaland. Han er godt nøgd med at fleire foreldre vel nynorsk for ungane sine.

– Fleire skular og kommunar har jobba godt det siste året for å informera foreldre om fordelane med å gå i nynorskklasse, seier Salte.

I motsetnad til dei yngste elevane, er det fleire ungdomsskuleelevar som byter frå nynorsk til bokmål. På 10. trinn er det dette skuleåret 61 færre nynorskelevar enn sist skuleår. Nynorskdelen har gått ned frå 19 prosent til 17,8 prosent på fylkesbasis.

– Språkskiftet i løpet av ungdomsskulen og vidaregåande er ei utfordring. Me jobbar med fleire tiltak for å bremsa dette. Lærarane og skuleleiarane er svært viktige i arbeidet for å gje elevane språkleg sjølvtillit og nynorskkompetanse, seier Salte.

Smartembed for https://www.solabladet.no/api/graff/v1/component/enkel-poll?id=73664