Herold

Rute 1 går som normalt, men rute 2 er framleis innstilt.

Rundt klokka 01.39 natt til måndag sendte Skyss ut SMS-varsling om at sambandet Gjermundshamn-Varaldsøy-Årsnes var innstilt på grunn av dårleg vêr.

Klokka 06.13 kom det ny melding om at rute 1 var tilbake i normal drift, men at den kunne bli innstilt på kort varsel. Rute 2 var framleis innstilt på grunn av vêret.

Også den første turen frå Rosendal til Bergen med Hardangerfjordekspressen klokka 06.30 blei innstilt, og det same blei turen frå Bergen til Rosendal 08.50, melde Skyss.

Ifølgje Bergens Tidende blei det målt 38,6 sekundmeter middelvind på toppen av Folgefonna, og 55,9 sekundmeter i kasta. Det tilsvarer orkan styrke, og var sterkaste målte vinden i landet.

Rute B i Sunnhordlandsruta var òg innstilt måndag morgon, men det var ifølgje Skyss ikkje på grunn av vêret, men på grunn av tekniske problem.