Har siste dag på politistasjonen i Førde
No vender Magne Straumstein tilbake til Sogndal.
(FIRDA:) – Det blir fint å kome tilbake til Sogn, når det er sagt har eg hatt ei veldig fin tid i Førde og Sunnfjord, seier Straumstein til Firda.
Straumstein tok over som fungerande tenesteeiningsleiar og politistasjonssjef i Sunnfjord 1. september i fjor, etter at tidlegare politistasjonssjef Wenke Hope gav seg i jobben og gjekk over til Westcon i Florø.
Store omrokeringar
Men det var ikkje berre Straumstein som flytta på seg. Hope si oppseiing utløyste ei stor omrokkering av politileiarar i distriktet:
Store endringar i politileiinga: – Litt uheldig
- Synnøve Domben gjekk inn som tenesteseiningsleiar i Sunnfjord, men fungerte framleis som politistasjonssjef i Florø.
- Oda Thorstad gjekk inn inn som politistasjonsjef i Sunnfjord, samstundes som ho heldt fram som etterforskningsleiar i Førde - fram til Straumstein var på plass.
Erstattaren er klar
Magne Straumstein kom frå stillinga som tenesteeiningsleiar for politiet i Sogn og politistasjonssjef i Sogndal. Dette er naturleg nok stillinga han no skal tilbake til.
Ved overtakinga hans i september, var 1. januar sett som sluttdato. No vart altså 12. januar Straumsteins siste kontordag i Førde.
No er det Terje Løland som skal styre skuta vidare. Han er tilsett som tenesteeiningsleiar i Sunnfjord og politistasjonssjef i Førde.
📰 Same Event Coverage (1 articles)
These articles appear to cover the same news event, detected by different methods: