Brann i leilegheit i Sogndal
Søndag kveld vart det meldt om røykutvikling frå ein leilegheit i Hodlekve i Sogndalsdalen.
– Ein nabo skal ha teke seg inn og sløkt eit mindre branntilløp. Det er mykje røyk i leilegheita, opplyser operasjonsleiar Tore-Andre Brakstad ved Vest politidistrikt.
Brannvesenet fekk melding om hendinga klokka 18.27.
Klokka 19.00 fortel vaktoperatør Stian Kvam ved 110 Vest-sentralen at brannvesenet har kontroll og at brannen er sløkt.
– Den vart sløkt av naboar. Røykdykkarar har også vore inne og gått gjennom bygget.
Det var ikkje folk i den aktuelle leiligheiten då det byrja å brenna.
– Men det var ein hund der, som vart berga ut, fortel Kvam.
Brannvesenet driv no med utlufting.
Politiet har vore i kontakt med eigaren av leiligheiten.
Det er førebels ukjend kvar brannen har starta. Politiet er i gang med undersøkingar på staden.
Klokka 20.14 melder politiet at dei er ferdige på staden og at det blir oppretta sak.
– Brannen har truleg starta i ein plastboks på ei steikeplate, opplyser operasjonsleiar Brakstad.