Herold

Det var ei fortryllande stemning på skeisebanen på Landa laurdag føremiddag. Då inviterte Landa Bygdalag til open dag på isen, og barn og vaksne, med og utan skeiser, såg ut til å storkosa seg i kvarandre sitt selskap på den islagde aktivitetsbanen i nabolaget på Halsnøy. Somme stod i klynger og prata, andre grilla pølser i bålpanne. Nokon spelte ishockey, andre lærte seg imponerande triks på skeisene sine. Og mange stod i kø for å kjøpa ferske smultringar og julekjeks i salsbua – bakst donert av Landsbybakaren.