Herold

Etter åtte år som politimeister søkjer Kaare Songstad avskil frå åremålet i Vest politidistrikt, melder Bergens Tidende.

Politimeistrar blir tilsette på åremål på seks år. Songstad vart politimeister 1. januar 2016 og fekk fornya sitt fyrste åremål. Det andre går ut i 2027, ifylgje avisa.

Songstad har vore i Politidirektoratet i ein periode, og no er det altså klart at han ikkje kjem tilbake. Dermed vil stillinga bli lyst ut i løpet av kort tid.

– Eg leier eit prosjekt som handlar om tilrettelegging for digitalisering av politiet. Det skal eg halda fram med ut året, seier Songstad.

Han fortel vidare at han søkjer avskil slik at politimeisterstillinga ikkje blir blokkert, sidan åremålet går ut kort tid etter at arbeidet i direktoratet er unnagjort.

Planen er at Songstad neste år skal bli seniorrådgjevar i Vest politidistrikt.

Smartembed for https://services.api.no/api/componenthub/v1/dashboard?component=reels-carousel_reelsCarousel&publication=www.avisa-hordaland.no&tag=reel&title=Videoar+fr%C3%A5+Hordaland&limit=20