Herold

Har sendt ut varsel om permittering til 13 tilsette.

Restaurant Iris, som ligg ute på Salmon Eye, stenger mellombels og permitterer 13 tilsette. Det skriv Bergens Tidende torsdag ettermiddag.

– Vi er stolte av Salmon Eye og Iris restaurant, og ønskjer difor å strategisk vidareutvikla konseptet for å nå nye ambisiøse mål for konsernet, skriv styreleiar Sondre Eide i Salmon Eye i ei tekstmelding til BT.

Han opplyser til avisa at den vidare strategiprosessen og utvikling av nytt konsept for Michelin-restauranten vil ta litt tid. Og at dei har sendt varsel om permittering til tilsette i påvente av val av nytt konsept.

– Vi er trygge på at ventetida vil vera verd det, uttalar Eide til avisa.

Visningssenteret på Salmon Eye vil framleis halda ope.