Herold

Det vart sett ny rekord i straumforbruk mellom klokka 8 og 9 i dag tidleg, opplyser Statnett. I ettermiddag kan det bli ny rekord.

Det vart brukt 25.309 megawattimar (MWh). Den førre rekorden frå 12. februar 2021 er dermed slått med 79 megawattimar.

– Det kalde vêret over store delar av Noreg medfører at me no bruker meir straum på oppvarming, og det er nok hovudforklaringa på den nye rekorden, seier Peer Olav Østli, konserndirektør for systemdrift og marknad i Statnett.

I ettermiddag kan det setjast ny rekord mellom klokka 16 og 17, ifylgje prognosane for straumforbruket.

– Straumnettet er dimensjonert for at me skal tola slike forbrukstoppar. Me ser at forbruket framover vil auka, derfor er det viktig at me utnyttar det nettet me har, parallelt med at me byggjer nytt nett, seier Østli.

Då rekorden vart sett onsdag morgon, var straumproduksjonen samtidig på 26.978 MWh. Rekorden for straumproduksjon vart sett 7. desember 2021 og var på 28.293 MWh

Dette kostar straumen i dag