Herold

– Styret har hatt eit luksusproblem, seier nestleiaren om arbeidet med å finna ein ny dagleg leiar.

Sparebankstiftinga Hardanger melder at dei har tilsett Fredrik Skaarer Fjose som ny dagleg leiar.

– Eg ser fram til å ta fatt på rolla som dagleg leiar, og til å vidareutvikla arbeidet stiftinga gjer for lokalsamfunnet. Det er eit viktig og meiningsfullt samfunnsoppdrag, seier Fjose i ei pressemelding.

Smartembed for https://www.avisa-hordaland.no/api/graff/v1/component/enkel-biografi?id=456658

Stiftinga har auka satsinga si, og har den siste tida utvida administrasjonen.

Dette gjer at den noverande daglege leiaren skal over i ein ny stilling i stiftinga, medan Fjose tek over 1. april.

Rekordår gjev vekst. No utvidar dei staben og søkjer etter ny dagleg leiar

Til det beste for bygdene

Nestleiar i styret og leiar for tilsetjingsnemnda, Vidar Riber, seier dei fekk mange gode søkjarar til stillinga.

– Så styret har slik sett hatt eit luksusproblem. Etter ein grundig rekrutteringsprosess, er me svært nøgde med å få Fredrik på plass.

Riber seier også at Fjose har den kompetansen og erfaringa stiftinga treng i den vidare utviklinga.

– Han har også god kjennskap til formålet til stiftinga, og korleis ein kan fortsetja ei god forvaltning av kapitalen til det beste for bygdene i Hardanger og Voss.

Om Sparebankstiftinga Hardanger

Motivert til ny jobb

– Å forstå dei ulike rollene stiftinga kan ha i samfunnsutviklinga, og å nytte handlingsrommet til positiv utvikling i regionen, er døme på utfordringar som motiverer meg i den nye jobben, seier Fjose.

Fredrik Fjose er i dag økonomisjef hjå Norsk Landbruksrådgivning. Han har tidlegare jobba i bank.

Han er også svært aktiv på fritida, og driv hestegard på Fjose.

Hardt «dobbeltløp» for Fredrik – sauebonde Helge kjempa mot mygg og ei kald, mørk natt

Stiftinga opplyser at den tidlegare daglege leiaren, Kjetil Widding, vil i si nye rolle bidra til å styrkja stiftinga sitt arbeid vidare, i takt med auka aktivitet og fleire oppgåver.

Helge (41) tek over som dagleg leiar: – Det var på høg tid

Heider og ære til Gerd Ohnstad Tønjum etter 60 års innsats: – Det vart tårevått!