To nordfjordingar klare for OL
Fekk gladmeldinga tysdag.
Maren Hjelmeset Kirkeeide og Johan-Olav Smørdal Botn blir begge å sjå i OL i Milano og Cortina i februar.
Det melde Olympiatoppen tysdag.
Dei tok ut elleve utøvarar, i det som er det andre uttaket. Fire av desse var vestlendingar, og to av dei frå Sogn og Fjordane.
Skiskyttaren Maren Hjelmeset Kirkeeide (22) representerer Markane IL og er frå Stryn.
Ho blei juniorverdsmeister på 6 km sprint i 2022, og tok to medaljar i VM i Lenzerheide førre sesong. Ho tok og Kongepokalen for 2025 før ho drog Sogn og Fjordane inn til gull på stafetten i seinare i NM.
Maren er sjølvsagt del av skifamilien Hjelmeset, som har opphav frå garden med same namn i Gloppen. Odd-Bjørn Hjelmeset er onkelen hennar.
Johan-Olav Smørdal Botn (26) frå Stårheim i Stad kommune tok tre medaljar i skiskyttar-EM i 2024. Han tok gull på stafetten der i lag med mellom anna Maren Hjelmeseth Kirkeeide.
Han er busett på Lillehammer, men representerer Stårheim IL. Botn har for alvor markert seg denne sesongen, og kanskje vore den største positive overraskinga reint sportsleg med fleire verdscupsigrar.
Det var Botn som fann kompisen sin, Sivert Guttorm Bakken, død på hotellrommet sitt i Lavazé med ein høgdemaske på seg like før jul.
Dei andre som er tatt ut tysdag er Karoline Simpson-Larsen og Mattis Stenshagen (langrenn), Karoline Offigstad Knotten, Vetle Sjåstad Christiansen, Johannes Dale-Skjevdal og Sturla Holm Lægreid (skiskyting), Aurora Grinden Løvås, Sigurd Henriksen og Didrik Eng Strand (skeiser).
Maren koplar av med å strikke genser. Den gule trøya må ho sikre i løypa
Maren sikra sin første verdscupsiger
Tarjei Bø ventar sitt andre barn
Då tvillingane kom, flytta Morten til Kristiansand i sjølvforsvar
Plutseleg stod ho der: – Utan Elisabeth hadde alt gått gale