Bertelsen og Garpestad i retten: Saksøkt for 34 millionar etter Haukeli-prosjekt
Bertelsen og Garpestad møter i desse dagar AG Tunnel i Hardanger og Voss tingrett. Striden står om mangfaldige millionar kroner.
SØKSMÅL [Hardanger Folkeblad]:I tre somrar gjekk det føre seg utbetringsarbeid i tunnelane på E 134 Haukelifjell. Både Haukelitunnelen og Vågslidtunnelen er oppgraderte.
No føregår det ein millionoppvask mellom entreprenørane i Hardanger og Voss tingrett etter anleggsarbeidet. Det skriv NRK.
Arbeidet tok eitt år meir enn planlagd, og hovudentreprenør Bertelsen og Garpestad (B&G) har allereie forlikt med Statens vegvesen i ein tvist om prosjektet. Dette skjedde utan å gå til retten.
No står tvisten mellom underentreprenør AG Tunnel og B&G. Sistnemnde saksøkjer B&G for 34 millionar kroner. B&G har gått til motsøksmål.
Tvisten mellom dei to handlar om påstått låg bemanning, undervurdering av arbeidsomfang og feilmontering av vifteboltar.
Rettssaka, som starta tysdag, skal halde fram i fire veker.
Arbeidet på E 134 var først ferdig i 2023, eitt år etter planen. Sluttrekninga kom opp i éin milliard kroner.
Striden mellom AG Tunnel og B&G handlar òg om mindre oppdrag i Rogaland, men i all hovudsak om Haukeli-prosjektet.
Det er B&G som saman med Metrostav som vann og har starta arbeidet med ny tunnel mellom Liamyrane og Seljestad på E 134.
🔗 Published by 3 sources - Compare:
📰 Same Event Coverage (2 articles)
These articles appear to cover the same news event, detected by different methods: