To ruskontrollar i helga, politiet sjekka over 70 førarar
For politiet var det ei rimeleg roleg første helg i januar.
Likevel er det litt på oversikta til Sondre Lillebostad i politiet i Sogndal.
Fredag rykte to politipatruljar ut til Årdalstangen der ein mann stod fram aggressiv utanfor Kiwi. Mannen stod fram rusa og sint og skal mellom anna ha kasta ein gardintrapp mot ein bil, gjekk det fram av politiloggen.
Mannen vende tilbake til bustaden sin og der oppstod det flammar og røyk. Brannvesen og politi gjekk inn i bustaden og henta ut mannen, som fekk vidare undersøking på Lærdal sjukehus med tanke på opphald i røyken, opplyste Vest politidistrikt.
– Politiet var på oppdrag i Årdal og vedkomande er teken hand om av helse, seier Lillebostad måndag.
Politiet heldt kontroll i Sogndal sentrum laurdag og på Valeberg søndag. Der vart høvesvis 47 og 25 bilførarar kontrollerte for rus.
– Det var ingen utslag, oppsummerer Lillebostad.