Overlege Geir Olve Skeie skal snakka om «musikk som medisin for hjernen» i senioruniversitetet
Geir Olve Skeie er førelesar på januarmøtet i Kvinnherad Senioruniversitet.
Det melder styret i senioruniversitetet i ei pressemelding.
«Skeie er overlege ved Nevrologisk avdeling på Haukeland Universitets-sjukehus og professor ved Griegakademiet der han òg er utdanna pianist. Han har forska på forholdet mellom musikk og hjernen. I føredraget vil han snakka om korleis musikk vert «skapt i hjernen», og korleis det å driva med musikk kan endra hjernen» står det i pressemeldinga.
Senioruniversitetet påpeikar at alle er velkomne til møtet i Kulturhuset Husnes torsdag 15. januar, men at kanskje spesielt kor- og korpsmedlemar, medlemar i helselaga i kommunen, besøksvener på institusjonane, kulturskulelærarar, band og andre som driv med rytme og musikk, vil ha nytte av å høyra føredraget.
Skeie vil òg koma med døme på korleis musikk kan brukast i behandling av nevrologiske lidingar som Parkinsons sjukdom, hjerneslag og hjerneskadar.
Lokale personar har bidrege til boka om det mørke kapittelet av psykiatri-historia
Dette skjer i januar