Herold

Av dei 20 dyraste bustadane i Kinn kommune i 2025 var berre ein i nordre del av kommunen. Ein var i Eikefjord, og ein på Svanøy. Resten har postadresse Florø.

I 2025 var det 430 bustader som skifta eigar i Kinn kommune, av totalt 612 eigedomssal. Resten av sala er forretning/kontor (8 sal), landbrukseigedommar (21 sal), fritidseigedommar (57 sal) eller i kategorien "uoppgitt" - som mellom anna er ubebygde tomter og overdragingar utan kostnader.

Den aller dyraste bustaden var Markegata 38 i Florø. Dette er opphavleg ein einebustad frå 1880, renovert og ombygd, og påbygd i 2003. Bustaden på 152 kvadratmeter midt i Florø sentrum kosta 7,8 millionar kroner, med ein kvadratmeterpris på over 51.000 kroner.

Ein bustad til gjekk for over 7 millionar, det var Auklandsvegen 48 B i Florø. Einebustaden frå 2023, på 168 kvadrat, gjekk for akkurat 7 millionar blank, med ein kvadratmeterpris på 41.666 kroner.

Ti bustader hadde ein prislapp i 6-millionarssjiktet, mens dei resterande åtte på topp 20 gjekk for mellom 5,4 og 5,9 millionar.

Kommunen tok kvadratmeter-rekorden

Den aller høgaste kvadratmeterprisen hadde dette huset: Brendøyvegen 25A

Bustaden vart lagt ut for sal til ein prislapp på 5,7 millionar kroner, men Kinn kommune enda opp med å betale 6,5 millionar, eller 57.017 kroner per kvadratmeter.

Kommunen kjøpte eigedommen med tanke på den smale tilkomsten til Kystmuseet. Garasjen på eigedommen grensar direkte til innkøyringa til Kystmuseet.

I november selde kommunen eigedommen vidare, då utan garasje, og med ei tomt som var 189 kvadratmeter mindre enn då dei kjøpte tidlegare i 2025.

Salsprisen er per no ikkje offentleggjort, men bustaden låg ute til ei prisantydning på 5,5 millionar kroner, og låg ikkje lenge før huset vart seld.

Dei som kjøpte Furuhaugane 25 i Florø var dei som fekk mest att for pengane sine. Her var kvadratmeterprisen på 22.122 kroner, for 278 kvadrat. Med ein salspris på 6.150.000 er bustaden på 11. plass over dei dyraste bustadane i 2025.

Gjennomsnittleg kvadratmeterpris i Florø-delen av Kinn kommune varierte mykje i 2025, frå 34.899 kroner per kvadrat i januar 2025 til 21.422 no i desember. Høgast var det i oktober, då snittet passerte 35.400 kroner. Det er ein liten nedgang frå 2024. Då var prisane både jamnare og høgare, og kvadratmeterprisen var aldri under 25.000 kroner det året. Den høgaste gjennomsnittlege kvadratmeterprisen var på over 36.114 kroner, i august 2024.

Dei 20 dyraste bustadane i Kinn i 2025

1. Markegata 38, Florø. Salspris: 7.800.000,- Eldre, totalrenovert einebustad frå 1880, påbygt i 2003. Einebustaden på 152 kvadrat hadde ein kvadratmeterpris på 51.315 kroner.

2. Auklandsvegen 49B, Florø. Salspris: 7.000.000,- Einebustad frå 2023. 168 kvadrat, kvadratmeterpris 41.666 kr.

3. Brandsøysundet 22, Florø. Salspris: 6.800.000,- Einebustad frå 2007. 182 kvadrat, kvadratmeterpris på 37.362 kr.

4. Brandsøyvegen 70C, Florø. Salspris: 6.800.000,-Einebustad frå 2013. 159 kvadrat, kvadratmeterpris på 42.767 kr.

5. Brendøyvegen 25A, Florø. Salspris: 6.500.000,- Einebustad frå 1974. 114 kvadrat, kvadratmeterpris på 57.017 kr.

6. Keilevegen 7, Florø. Salspris: 6.400.000,- Einebustad frå 1973. Rundt 250 kvadrat, kvadratmeterpris på 25.600 kr.

7. Dragselvvegen 11, Florø. Salspris: 6.400.000,- Tomannsbustad frå 2017 på 146 kvadrat, kvadratmeterpris på 43.835 kr.

8. Nordvågsøyvegen 86, Raudeberg. Salspris: 6.400.000 kr. Einebustad frå 2021. 120 kvadrat, kvadratmeterpris på 53.333 kr.

9. Firdavegen 54, Florø. Salspris: 6.200.000 kr. Leilegheit frå 2007 på 126 kvadratmeter, kvadratmeterpris på 126 kr.

10. Nordre Instetunet 17, Florø. Salspris: 6.200.000 kr. Einebustad frå 2022 på 148 kvadrat, kvadratmeterpris 41.891 kr.

11. Furuhaugane 25, Florø. Salspris: 6.150.000 kr. Einebustad frå 1986 på 278 kvadratmeter, kvadratmeterpris på 22.122 kr.

12. Mårkroken 3, Florø. Salspris: 6.000.000 kr. Einebustad frå 1990, på 194 kvadrat, kvadratmeterpris på 30.927 kr.

13. Prof. Indrebøgate 16, Florø. Salspris: 5.990.000 kr. Einebustad frå 1949, totalrenovert. Kvadratmeter ikkje oppgitt.

14. Hestenesgata 6, Florø. Salspris: 5.800.000 kr. Leilegheit på 102 kvadrat, kvadratmeterpris på 56.862 kr.

15. Fjordgata 12, Florø. Salspris: 5.800.000 kr. Leilegheitpå 107 kvadrat, kvadratmeterpris på 53.738 kr.

16. Brandsøyvegen 19, Florø. Salspris: 5.750.000 kr Einebustad frå 1963, 150 kvadrat, kvadratmeterpris 38.333 kr.

17. Digreneset 27, Florø. Salspris: 5.600.000 kr. Einebustad frå 1982, 266 kvadrat, kvadratmeterpris på 21.052 kr.

18. Plassen 23, Florø. Salspris: 5.550.000 kr. Einebustad frå 2005 på 195 kvadrat, kvadratmeterpris 28.461 kr.

19. Storevika 9, Eikefjord. Salspris: 5.475.000 kr. Einebustad frå 2007 på 149 kvadrat, kvadratmeterpris 36.744 kr.

20. G. R. Mellingens veg 11, Svanøy. Salspris: 5.418.255 kr. Einebustad i rekke frå 2024, 101 kvadrat, kvadratmeterpris: 53.646 kr.

Og dei 10 billegaste:

NB: På denne lista er det stort sett leilegheiter i burettslag, som har både fellesgjeld og husleige/felleskostnadar i tillegg.

1. Kalvedalsvegen 1, Florø. Salspris: 614.000,- Blokkleilegheit med fellesgjeld, bygt 2015. 73 kvadrat.

1. Kalvedalsvegen 1, Florø. Salspris: 770.000,- Blokkleilegheit med fellesgjeld, bygt 2015. 73 kvadrat.

3. Skudalsvegen 2, Florø. Salspris: 1.022.063,- Blokkleilegheit i burettslag.

4. Strandgata 16, Florø. Salspris: 1.025.000,- Blokkleilegheit i burettslag.

5. Krokastubben 12, Florø. Salspris: 1.190.000,- Rekkehus i burettslag, bygt i 2006.

6. Dyreholtvegen 15, Florø. Salspris: 1.225.000,- Rekkehus i burettslag, bygt i 2002.

7. Hans Blomgate 17, Florø. Salspris: 1.240.593,- Leilegheit i burettslag, bygt i 1993. 121 kvadrat.

8. Havrenesvegen 43, Florø. Salspris: 1.250.000,- Rekkehus i burettslag. 72 kvadrat.

9. Strandgata 36, Florø. Salspris: 1.290.000,- Leilegheit i burettslag. 46 kvadrat.

10. Hans Blomgate 17, Florø. Salspris: 1.305.200,- Leilegheit i burettslag. Bygt i 1993. 116 kvadrat.