Herold

Fire ungdomslag får no midlar til å rusta opp grendehusa sine.

100-årsgåve

*– No treng me ikkje stengja i vinter, seier Jan Terje Nondal. *

Gjennom Huset i bygda-prosjektet til Sogn og Fjordane Ungdomslag har nemleg Kaupanger ungdomslag fått 100 000 kroner i støtte til opprusting av grendehuset deira, Skogly. Det kjem fram i pressemeldinga Sogn Avis har fått.

Dette gjeld også Fresvik ungdomslag, Leikanger ungdomslag, og Framfjord bygdelag. Til saman deler ungdomslaget ut heile 890 000 kroner til rehabilitering av grendehusa. Blant dei som er verst stilt er Skogly på Kaupanger.

– I fjor hadde me ikkje nok pengar til å halde huset ope i to månadar. Me har sett inn varmepumper, og fått på plass energisparande lys. Likevel kunne me ikkje ha aktivitet der i to av vintermånadane, seier Nondal.

Det kan dei derimot denne vinteren. Rammegåva er utdelt av Sparebankstiftinga Sogn og Fjordane.

Eitt av husa som også får gåve feirar jubileum i 2025. Ungdomshuset Ljosvang på Leikanger er vorte 100 år gamalt, og er framleis i bruk om lag kvar kveld. Dei mottek den nest største gåva på 260 000 kroner.

– Ei betre 100-årsgåve er det ikkje mogleg å få. Me må gjera ein del med kjellaren, og no har me høve til det, seier Anita Instefjord.

Den største gåva går denne gongen til Fresvik ungdomslag. Dei skal nytta 330.000 til å skifta tak.

I Framfjord har dei andre planar med dei 200 000 kronene dei har fått tildelt.

– Me må utbetre og fornye toalett-fasilitetane, seier Marit Lunde i Framfjord ungdomslag.

I delar av lokalet deira har dei nemleg butikk, og det er mykje turistar som teltar eller bur i bubil i området. Dei nyttar også fasilitetane til ungdomshuset.

Totalt ser fordelinga av dei 890 000 kronene slik ut: