Herold

Gry Thyrrestrup jobbar for at fleire skal få fine turstiar i Sogn og Fjordane.

No har DNT Sogn og Fjordane fått 3 millionar kroner til åtte turstiprosjekt, kjem det fram av ei pressemelding frå Sparebanken Sogn og Fjordane, som har delt ut pengane.

Sjå kven som har fått pengar nedst i saka.

Gry er prosjektleiar i DNT Sogn og Fjordane, som er prosjektleiar for «Eg gjekk ein tur på stien-prosjektet». Prosjektet, som vart oppretta i 2024, skal sikra eit attraktivt tilbod til befolkninga med omsyn til folkehelse, livskvalitet og bulyst med fokus på berekraft og friluftsliv for alle.

Nye skilt på plass: – For å visa dei fine turmoglegheitene me har i Sogndal

– Elskar toppturar

I ein alder av 20 år la Gry, som er frå Trørød nær København, sin elsk på Noreg.

– Då eg var 20 år reiste eg til Alta i Nord-Norge for å gå på folkehøgskule. På slutten av opphaldet mitt der fekk eg sjå serien «Oppdrag Sognefjorden». Då vart interessa mi for Sogn og Fjordane vekt, fortel ho i pressemeldinga.

Det er ingen tvil om at Gry trivst best i naturens landskap, og sjølv om ho er dansk er ho god til å gå på ski.

– Eg kjenner sjølvsagt til nordmenn sine haldningar til danskar på ski. Eg har prøvd å motbevisa dette, og har sidan eg kom til Sogndal for 15 år sidan farta mykje rundt på ski i fjella i Sogndalsdalen og Luster. Eg elskar toppturar, spesielt på ski, og har spesielt også dei siste åra funne glede ved lengre skiturar i høgfjellet.

Har gjort mykje forskjellig

Det var i 2011 Gry kom til Sogndal for å studera friluftsliv og vart verande i fem år. Sidan har ho gjort mykje forskjellig.

– Eg tok master i naturbasert friluftsliv på NMBU i Ås, før eg jobba nokre sesongar på Kalhovd Turisthytte på Hardangervidda. I 2020 kom eg tilbake til Sogndal og jobba i Stedje barnehage til eg fekk jobben i DNT Sogn og Fjordane i 2023.

Sidan har det vore arbeid med turlagsfolk.

– Det passar svært godt opp mot min bakgrunn, og eg likar utruleg godt å spela på dei dyktige turlagsfolka i dei 14 turlaga me har i Sogn og Fjordane.

I tillegg er Gry også tilsett i turlaga i Luster og Sogndal.

Desse prosjekta har fått pengar

Sparebankstiftinga Sogn og Fjordane har gått inn med 20 millionar kroner til utvikling av turstiar i Sogn og Fjordane. Dette prosjektet varer ut 2027-sesongen.

Til den siste søknadsrunden var det totalt åtte søknadar, og det er delt ut 3 millionar kroner.

Desse har fått pengar:

Gry og Eivind vil få fleire ut på fjorden: – Folk søkjer seg meir til fjellet