Tek opp att gammal tradisjon: – Me håpar folk vil ta turen
Plus
Soknerådet i Eid kyrkje har fått med seg André Eide til å halda julekonsert i kyrkja på Halsnøy.
Onsdag kveld 3. desember har André Eide med seg songar Tiril Birkelid (24) frå Sveio og vil halda julekonsert i Eid kyrkje. Ho er lærar ved Sveio skule og dirigerer Sveio barnekor. I dette høvet er ho solist med pianist og organist Andre Eide frå Halsnøy, busett på Stord siste 25 åra.
– Me ønskjer folk velkomne til ein stemningsfull førjulskonsert. Me håpar folk tek seg tid til ein liten pause i denne travle tida, og kjem til kyrkja, seier Mette Hvidevold i soknerådet.
Ho fortel at tradisjonen med julekonsert i kyrkja på Halsnøy lenge har lege nede. No fann soknerådet at tida var inne for å ta fatt i det som i mange år var eit veldig populært innslag.
– Eg hugsar det måtte vera to konsertar fordi det var så fullt, seier Hvidevold og ønskjer seg god oppslutnad igjen.
I alle fall er julestemninga sikra når André Eide stiller; godt kjend frå sosiale medium, der han når ut til fleire millionar lyttarar kvar månad, står det på plakaten.
Søndag blir det «førjulsmoro» her