Herold

IL Trio har kåra kvinnheradmeistrar i tre ulike spel denne romjula. Sjå kven som vann her.

Som Kvinnheringen skreiv måndag har IL Trio si e-sportsgruppe hatt travle dagar i romjula, kor dei arrangerte ein datafest over to dagar i gymsalen til Undarheim skule.

I løpet av desse dagane gjekk det også tre kvinnheradmeisterskap av stabelen i gymsalen. Blant anna i det populære spelet Counter-Strike.

Her var toppremien på 5.000 kroner, og vinnarlaget var UKR, med lagkaptein Igor Rodzevych.

I Minecraft gjekk Markus Nordnes Blokhus til topps, føre Tommy Hauge og Leonard William Hortman på andre og tredje plass.

I Fortnite var det Lucas André Sjo som var best, medan Malvin Mehl Prestnes og Odin Poudel Telstø vart nummer to og tre.

Vinnarane i Minecraft og Fortnite stakk av med ein premie på 1.000 kroner, medan nummer to og tre vann høvesvis 300 kroner og ein høgtalar.

– Konkurransane gjekk fint, men ikkje heilt problemfritt. Men det såg ut som at deltakarane storkosa seg. Vi arrangørane har også hatt det veldig kjekt, men vi treng fleire frivillige til å bli med og arrangera om vi skal auka kvaliteten. Elles vil vi takka frivillige, deltakarar og alle sponsorar, seier Raymond Hauge Johansen i e-sportsgruppa.

Ny A-lagstrenar for Trio: – Gjer vi jobben bør vi ha eit lag som konkurrerer om opprykk