Kommunen skal skrive ny husleigekontrakt for 60 millionar – men Evja blir ikkje vurdert
Plus
Om ei drygt år går Kinn kommune sin husleigekontrakt i Øklandbygget ut. Men lite tyder på at det blir noko flyttesjau.
- desember sende Kinn kommune ut ei såkalla intensjonskunngjering, der dei fortel at dei har forhandla fram ein ny leigekontrakt i Øklandbygget i Florø sentrum, til ein kostnad av seks millionar kroner i året. Kontrakten har ei tiårs lengd.
Dagens leigekontrakt går ut 1. februar 2027, og i kunngjeringa ber kommunen no andre aktuelle utleigarar om å melde interesse for å konkurrere om den verdifulle kontrakten, der kommunen ønskjer:
- 3000 kvadratmeter kontor- og administrasjonslokale, inkludert:
- møterom
- kundemottak
- alt areal samla i eitt bygg
- universell utforming og lett tilkomst for publikum og tilsette
I utlysinga si påpeikar kommunen at dei er opne for både fem og ti års lengd på leigekontraktar.
Vil ikkje vurdere Evja
Men i utlysinga ligg det ei klar avgrensing i lokalisering frå kommunen si side:
Den som vil tilby kommunen nye kontorlokale må ha tilhald innafor eit område som er avgrensa slik:
- Fugleskjærgata i vest
- Hans Blom gate i sør
- Florø kulturhus i aust
Dermed krympar talet på potensielle utleigarar drastisk. Samtidig, berre ei dryg juicetankar-lengd lengre aust, ligg næringsbygga på Evja, der store næringsareal står ubrukte, med langt betre parkering og tilkomst for både tilsette og publikum enn kva ein har i eit tidvis overbelasta sentrum.
Bio Rolf Bjarne Sund – Kvifor er Evja uaktuelt å vurdere for kommunen?
– Det er det lett å svare på. Vi har eit klart ønske om å halde til i kjerna av sentrum, for å bidra til liv og aktivitet. Det er snakk om ein stor arbeidsplass med mange tilsette, og ved å halde til midt i byen, meiner vi at vi bidreg positivt til sentrumsmiljøet, seier kommunalsjef Rolf Bjarne Sund.
Vil tømme rådhuset
Som Firdaposten skreiv om tidlegare i haust, inngår det også planar om å fase det gamle rådhuset heilt ut av drift i tida som kjem. I dag har rundt 10 kommunalt tilsette arbeidsstaden sin her, men målet er å få desse integrert i det nye leigelokalet.
– Samtidig skal vi jobbe parallellt med å skape ny aktivitet i det gamle rådhuset, seier Sund.
Rådhuset kan bli ståande tomt