Herold

Levande grender er avhengig av godt, stabilt, samlande miljø i barnehage og skule. Trivsel og tryggleik, stabilt personale, lågt sjukefråvær er grunnlaget for læring og tilflytting.

Det er mange gode tanker og meiningar frå grendefolk og einskildpersonar no i desse usikre struktur og økonomisk utfordrande tidene framover. Det er og skremmande å høyre både administrasjon og politikar er usikre på verknadene av framlagde innsparings- og sentraliserande tiltak. Det same gjeld innlegg frå foreldre/føresette som med rette peikar på usikre faktorar. Endeleg er og barnas beste henta fram som det mest sentrale i avgjersler framover både av føresette og politisk parti . Takk for det!

Forskning frå høgskulen i Hedmark vedkomande store og små skular viser at skular kan verta for små. Av den grunn kom elevar frå Jordalen, Myrkdalen og Oppheim frivillig til Sundve. Oppheim med klar skriftleg forventning til heradet etter folkemøte 23.11 2013. Forventinga gjekk på å få barnehagen til Oppheim skule. Det brevet kom det aldri svar på, men det vart bevilga pengar til føremålet. Eldar IL har heile tida meldt frå om manglande lokale til aktivitetar laget driv til beste for barn, ungdom og vaksne. Aktivitetar som var på Oppheim skule. Såleis er volleyball , fotballtrening, spinning, gaming og trening for unge borte. Likeså korøving, 4H, musikkskulen. Noko av dette flytta til Vossestrand barne og ungdomskule. Men bortimot 20 spinningsyklar er gøymde på uthus og fjøslåvar rundt omkring. Høgskulen i Hedmark har skular med elevtal 100 elever - 200 som gunstig for god læring. Akkurat slik dei fleste skular er i Voss herad no. Tendensen no er at store skular er på veg ut, då innsparingane ikkje vart som venta. Og læringsverknaden vart mindre, auka sjukefråvær på tilsette og elevar, auka einskildvedtak/spesialundervisning. Viktig å ta slike signal til etterretning før viktige avgjersler skal sluttførast.

Normer for lærartettleik vart vedtekne i 2017 og forsterka i 2020. Normene er 18 elevar per lærar 1.-4. klasse og 21 elevar for 5.-10. klasse. Er dette slik i heradet no ?

Kontaktlærarfunksjonen er krevjande og kor mange elevar kontaktlærar skal ha, varierer frå skule til skule i landet og i Voss herad. Fleire kommunar har no auka nedsett lesetid for den funksjonen i skulen frå 1 til 2 timar for å få tilsette i den viktige funksjonen.

Nytilsette skal ha tilbod om mentor/rettleing med ein time nedsett lesetid og tid til rettleiing. Blir dette praktisert for å auke kompetansen og tryggleiken for desse i eit av dei viktigaste yrka? Ungdom med familiar ynskjer å busetja seg utanfor sentrum. Legg heradet til rette for bustadfelt nord i heradet. I år er det 49 år sidan siste kommunale felt vart tilrettelagt her. Kor tid kjem neste tilbod?

Gode politikarar, tenk på kvalitet og tilbod i grendene både i barnehage og skule. Lytt til folket og innspel som kjem og ta gode varige framtidsretta vedtak med omsyn til skulestorleikar og barnehagetilbod i nærmiljøet. Trivsel og gode relasjonar er grunnlaget for læring. Dette må til for alle involverte, borna, foreldre/føresette, tilsette og administrasjonen. Bruk midlar til opprustning av eksisterande bygg og legg vekk tanken om stor barneskule på Vangen. Lukke til med drøftingar og vedtak framover!

Stramt budsjett, men: – Stort steg i rett retning når det gjeld realisme

Grilling i gymsalen: Kampklare strendingar gav rådmannen noko å tenkja på

I dette bygget vil dei at det skal skje noko: – Det er fortvilande og trasig