Herold

Det har vore uvanleg stille i politidistriktet denne jula. Det opplyser politiet på Voss.

Politioverbetjent Bjørn Inge Aarsand ved Voss politistasjon kan fortelja om ei roleg jul i politidistriktet så langt.

- Ja, det har vore ei statistisk veldig stille jul, seier han.

Han kan opplysa om eit par hendingar i vosseområdet, men elles har det vore roleg.

- Me har tidlegare julefeiringar opplevd å vera opptatt 24 timar i døgeret, men denne jula har vore gledeleg stille. Og slik ønskjer me at det skal bli resten av romjula også, seier han.