NRK må stemme nei til Israel si deltaking i Eurovision
Plus
*Den 5. desember *skal NRK stemme i Den Europeiske Kringkastingsunionen (EBU) om Israel skal få delta i Eurovision Song Contest 2026. Vi oppmodar NRK til å stemme nei.
Når ein stat gjer seg skuldig i folkemord og alvorlege brot på folkeretten, kan vi ikkje late som ingenting i Europas største underhaldningsprogram.
Israel held fram med bombinga av Gaza, blokaden og undertrykkinga av palestinarane, trass den såkalla våpenkvila. FNs granskingskommisjon og menneskerettsorganisasjonar som Amnesty International, Human Rights Watch, Al-Haq og B’Tselem konkluderer alle med at Israel gjer folkemord og held oppe eit apartheid-system – eit brotsverk mot menneskeslekta.
NRK er ein del av EBU og har stemmerett. Som allmennkringkastar har NRK et særleg ansvar for å stå opp for menneskerettar og pressefridom. Når 256 palestinske journalistar er drepne på to år, kan ikkje NRK bidra til å normalisere Israel sine overgrep ved å la landet bruke Eurovision som arena for omdømmevasking.
Vi krev at NRK *stemmer for å stenge ute Israel frå Eurovision på EBU-møtet i desember. Dersom Israel likevel får delta, bør Norge *trekke seg frå konkurransen.
*Dette handlar *ikkje om politikk, men om å stå opp for folkeretten og for de grunnleggande verdiane Eurovision sjølv er bygd på.