Herold

Klokka 16.52 melder Vest politidistrikt om at det har skjedd ei singelulykke riksveg 13, ved Hermansverk. Det skal vere materielle skadar på fronten på bilen.

– Det er uvisst om bilen har vore i grøfta eller køyrd inn i noko, opplyser operasjonsleiar Frode Kolltveit.

Bilen står i vegen og sperrar det eine køyrefeltet. Bilbergar er på veg.

Det var førar og passasjer i bilen. Føraren, ei kvinne i 40-åra, har opplyst å ha smerter i ei hand. Passasjeren skal vere uskadd.

Politiet er på veg til staden. Ambulanse og brannvesen har ikkje rykt ut.