Herold

Ein politipatrulje kom over eit trafikkuhell i Måløy natt til fredag klokka halv tre, melder Vest politidistrikt.

Ein personbil hadde køyrt inn i ein bil som stod parkert i Sjøgata. Ingen personar kom til skade, men det var materielle skadar på begge bilane.

Føraren av bilen, ein mann i 60-åra, blei teken med til lokal legevakt for blodprøvetaking, og det er mistanke om ruskøyring.

Mannen sitt førarkort blei beslaglagt og politiet opprettar ei sak på hendinga.