Herold

Radiokanalen får ein god slant av Medietilsynet i årets innovasjonstilskot.

*VALDRES: *– Det er jo veldig stas, seier Siv Monica Sletten, dagleg leiar i Valdres Radio.

Radiokanalen får 300.000 kroner av Medietilsynet i årets innovasjonsstøtte. Det skal gå til «forenkling av redaksjonell lydproduksjon for Valdres».

– Kva er dette?

– Det er diverse loggar og datasystem. Summen er øyremerkt for slike ting.

*– Er 300.000 kroner ein stor sum for de? *

*– Ja. Det hjelp oss langt. Eg er lykkeleg over at vi fekk pengane. Det er ein ekstra giv for å dra lasset vidare. *

Fakta om innovasjonsstøtta

Hjelp nå eit større publikum

Medietilsynet fordeler nær 24 millionar kroner i innovasjons- og utviklingstilskot til nyheits- og aktualitetsmedium. Av rekordhøge 87 søknader får 49 prosjekt pengar frå støtteordninga.

– Målet med innovasjonsstøtta er å styrke det norske mediemangfaldet og særleg fremme redaksjonell, innhaldsretta innovasjon og utvikling i små, lokale nyheits- og aktualitetsmedium, seier Hanne Sekkelsten, direktør for juridisk og regulatorisk avdeling i Medietilsynet, i ein pressemelding.

I år går om lag tre av fire støttekroner, totalt omkring 17 millionar kroner, til små, lokale medium.

– Innovasjonsstøtta skal hjelpe nettopp små og lokale medium til å digitalisere og fornye seg, seier Sekkelsten.

– Kva synst du om dette, Sletten?

– Det er kjempeflott. Det gir oss ein moglegheit for oss til å kome oss ut på nettet, og nå eit større publikum, fleire valdrisar der ute i verda. Ein lyt følgje med i tida.

Attende i Valdres Radio: – Vegen har vore lang og trøblete

Fleire kunne søke i år

Kultur- og likestillingsdepartementet gjorde tidlegare i år endringar i forskrifta for tilskotsordninga slik at fleire typar medium kunne søke.

Blant dei 87 søknadene i år var det derfor større breidde enn det har vore tidlegare, og nokre nykommarar i søkebunken fekk støtte.

Daniel Kvammen tek turen over åsen til Leirskogen