Herold

Julehøgtida står for døra. Som vanleg vert høgtida feira i kyrkjene våre, og særleg på julaftan.

I Vaksdal er det gudstenester i fem av kyrkjene, med varierande innslag av song og musikk av lokale krefter.

I Eksingedalen har dei skipa til sitt eige julekor, og både born, unge og vaksne bidreg med musikk.

På Stamnes er det Blanke Messingen som syter for mykje av musikken. På Eidsland vert det song av Hege Eide Vik.

På sjølve høgtidsdagen er det felles høgtidsgudsteneste i Dale kyrkje, og dagen etter er det Bergsdalen som har sin julegudsteneste.

Nyårsdagen er det den tradisjonelle minnegudstenesta i Stamnes kyrkje, som er særleg mynta på Stamnes, Eksingedalen og Nesheim sokn. Dagen vert avslutta med kveldsgudsteneste i Vaksdal kyrkje.

Helsing Frode Kvamsøe og kyrkjelydane i Vaksdal