Herold

Det er venta opphaldsvêr gjennom jula i Ullensvang og Eidfjord.

Det melder vakthavande meteorolog ved Vêrvarslinga på Vestlandet, Susana Reuder.

– Det er venta rolege vindforhold, opphaldsvêr og periodar med sol, seier ho om dei komande dagane.

Tysdag, onsdag og julaftan, er det stort sett fint vêr og sol.

– Inn mot første og andre juledag er det litt meir varierande skydekke, men det er stort sett lett skya og litt sol innimellom, fortel Reuder.

Også i helga er det venta opphaldsvêr og periodar med sol. Elles blir det noko kjøligare inn mot helga.

– Temperaturen kan variere noko lokalt, seier meteorologen.

Elles er det òg venta rolege vindforhold så langt meteorologen kan spå. Høgt i fjellet kan det kome opp i frisk bris.