Herold

Hanne Bredal Engan blei i førre veke fengsla i USA. I dag blei ho framstilt for retten.

Var uklart

Korrespondent Anders Tvegård rapporterer frå San Diego der den norske kvinna sit fengsla etter ho blei arrestert av ICE- immigrasjonspoliti.

– Ein lang prosess

Kva er eit innledende rettsmøte?

– Vil saksøke

Måndag fekk Engan beskjed om at ho blir lauslaten mot kausjon tysdag. Det opplyser mannen hennar til NRK.

Engan må betale 1500 dollar – rundt 15.000 norske kroner – i kausjon. Det er minimumsbeløpet for kausjon.

– Vi er fornøgde med dette steget i prosessen, seier ektemannen Joshua Daguman og legg til at dei er letta.

Det er ikkje klart om Engan må bruke fotlenke fram til saka hennar startar 7. januar.

NRK får opplyst at kausjonen blir dekka med pengar som venene hennar har samla inn.

Rettsmøtet gjekk føre seg inne i det privat drivne fengselet.

På førehand var det uklart kva som ville skje med den norske kvinna.

– Ho kan bli verande i varetektsfengselet til 7. januar for neste rettsdag, eller bli lauslaten og vere med meg og kjempe rettssaka herfrå. Eller ho kan reise til Noreg og kjempe rettssaka derfrå.

Det sa ektemannen Joshua Daguman til NRK utanfor fengselet før rettsmøtet starta.

I førre veke blei Bredal Engan (24) frå Valnesfjord i Fauske arrestert i San Diego. Bakgrunnen for arrestasjonen skal vere at ho oppheldt seg i USA med utgått visum, og dermed har brote lova.

Daguman meiner Engan har lovleg opphald fordi dei er gifte, og no er det usemje om lova ettersom visumet hennar gjekk ut i fjor sommar.

Visumbrot er straffbart og kan gi minst tre års utestenging, men det kan telje som formildande at ho er gift med ein amerikanar og at praksis var annleis før Trump-administrasjonen skjerpa inn reglane.

Korrespondent Anders Tvegård rapporterer frå San Diego der den norske kvinna sit fengsla etter ho blei arrestert av ICE- immigrasjonspoliti.

Otay Mesa Detention Center ligg i San Diego, like ved grensa til Mexico.

NRK har tidlegare omtalt at den norske statsborgaren blei arrestert då ho møtte opp hos amerikanske utlendingsstyremakter for å formalisere opphaldsløyvet sitt.

I staden for eit godkjent visum blei ho pågripen av Immigration and Customs Enforcement (ICE) inne på kontoret, hevdar ektemannen hennar.

– Burde de ikkje ha søkt om visa eller grønt kort tidlegare?

– Jo, vi har søkt om det. Det har vore ein lang prosess og den er ikkje veldig rask.

Joshua Daguman (49) ektemannen til Hanne Bredal Engan før rettssaka.

Ifølge Daguman hadde kona opphalde seg ulovleg i 27 dagar i USA.

Tidlegare i kveld hadde Engan eit innleiande rettsmøte. Under møtet var også ektemannen til stades.

– Det var eit tomt sete ved sida av ho. Eg var freista til å setje meg der, men eg gjorde det ikkje. Advokaten vår er der for ho, seier Daguman til NRK.

Dette er første gongen ein udokumentert eller sikta innvandrar møter for ein immigrasjonsdommar.

På dette møtet blir:

– Dessverre har ICE bestemt at dei vil arrestere personar som ikkje har gyldig visum, og at dei vil bli arresterte etter grønt kort-intervju. Dette er utan sidestykke og ikkje noko vi har sett tidlegare, sa advokat Saman Nasseri til NRK tidlegare i helga.

Advokat Saman Nasseri forsvarer Engen.

Engan har diabetes type 1 og ektemannen har vore uroa for helsa hennar.

No seier mannen at dei vil saksøke det private selskapet CoreCivic for mangel på medisinar og dårleg behandling.

Engan kom til USA i juli 2022 på studentvisum. Ifølge ektemannen fekk ho seinare arbeidsvisum, som gjekk ut i juli 2024. Paret gifta seg i oktober same år.

I San Diego blei ho arrestert fordi ho i intervjuet med amerikanske innvandringsmyndigheiter erkjente at ho hadde blitt verande i landet sjølv om visumet hadde gått ut.

ICE er det føderale amerikanske utlendingspolitiet som handhevar mellom anna immigrasjon. Dei driv også internerings- og deportasjonssenter.

NRK har over fleire dagar forsøkt å få svar frå amerikanske styresmakter om kvifor Engan er arrestert, og korleis dei vurderer helsetilstanden hennar og kritikken frå ektemannen.

Den amerikanske ambassaden i Oslo viser til ICE, som fredag stadfesta overfor NRK at dei hadde motteke førespurnaden og lova å kome tilbake med eit svar. NRK har måndag sendt ein ny førespurnad til ICE der vi gjentar at vi ønsker svar.