Herold

Ein 41 år gammal mann frå Vaksdal kommune kan sjå fram til ei ekstra triveleg jul, etter å ha vunne éin million kroner i Lotto si Supertrekning laurdag kveld. Han var ein av 40 heldige nordmenn som fekk ei førjulsgåve frå Norsk Tipping.

Då Norsk Tipping ringde, hadde vinnaren allereie oppdaga den gode nyheita i appen sin. Saman med kona var han i gang med å leggja planar for kva pengane skulle brukast til.

- Eg og kona mi er veldig glade. Me skal pussa opp kjøkkenet, reisa litt og betala ned billånet. I tillegg skal me spara, fortalde den fornøgde vinnaren då han fekk den gledelege telefonen frå Norsk Tipping.

Han la til at han hadde lagra nummeret til Norsk Tipping på telefonen for mange år sidan, og syntest det var ei artig oppleving å sjå at det endeleg ringde frå Hamar.

Vinnarkupongen vart kjøpt på mobil i september.

Mannen var ein av fire vinnarar i Vestland. Dei andre var ein 50 år gammal mann frå Øygarden, ei 58 år gammal kvinne frå Bergen og ein mann frå Bergen.