Herold

1,3 millionar nordmenn har så langt vaksinert seg mot influensa. Fleire apotekkjeder melder at dei har sett 50 prosent fleire influensavaksinar enn normalt.

Saka oppsummert:

Derfor er vaksinasjon lurt

Har du tatt influensavaksine i år?

Redde for å bli sjuke

Mindre sjanse for slag

Les også

Advarer om influensa: Kan utløse hjerteinfarkt

Ulikt syn

Les også

Titusenvis av barn bør vaksineres – kan slippe sprøyter

• Årets influensa av H3N2-varianten er venta å bli ekstra alvorleg, og komme tidlegare enn normalt. • Influensavaksinen beskyttar mot H3N2, og kan redusere risikoen for alvorlege sjukdommar som hjerteinfarkt og slag. • Vaksinering blant eldre aukar, målet nasjonalt er 75 % dekning for personar over 65 år. • Apoteka melder om 50 % auke i antal vaksinerte som frykta sjukdom. • Det er ulike meningar om vaksinering, men helsepersonell og eldre blir spesielt oppfordra til å vaksinere seg. • Influensasjukdom kan gje alvorlege komplikasjonar, og vaksinasjon er ein effektiv måte å redusere risikoen på.

Oppsummeringa er laga av ei KI-teneste frå OpenAI. Innhaldet er kvalitetssikra av NRKs journalistar før publisering.

– Det ser ut til at influensaen i år blir hissig, og at den kjem tidlegare enn normalt.

Det seier kommuneoverlege i Kristiansand, Styrk Fjærtoft Vik.

Ifølge FHI har 1,3 millionar tatt influensavaksine så langt i år.

Vik meiner det er positivt at så mange allereie har vaksinert seg.

*– Det kan verke som om terskelen for vaksinasjon har gått ned. Samtidig er det framleis rom for å vaksinere seg. Det er veldig lurt å gjere det, seier Vik. *

Kommuneoverlege i Kristiansand Styrk Fjærtoft Vik.

NRK fortalde sist veke at ekspertar spår den verste influensasesongen dette tiåret.

Ein mutert influensavirus-variant, H3N2, spreier seg raskt og gir auka risiko for alvorleg sjukdom.

Influensavaksinen vernar mot denne.

Kommuneoverlege Vik seier at målet på landsbasis er at 75 prosent av befolkninga over 65 år vaksinerer seg.

– Det er eit ambisiøst mål, men her i Kristiansand har vi nå passert 66 prosent. Det er veldig bra.

Denne avstemningen viser ikke hva befolkningen mener om spørsmålet. Resultatet viser hva de som selv har valgt å stemme mener, og avstemningen har ikke et utvalg som gjør den representativ for alle som bor i landet.

Fleire apotekkjeder NRK har vore i kontakt med, fortel om 50 prosent auke i influensavaksinasjon så langt i år.

– Dei fleste kjem fordi dei er redde for å bli sjuke.

Det seier apotekteknikar ved Boots Apotek Kristiansand, Kristina Hernes.

– Vi trur at auken i talet på vaksinasjonar kjem av at det har vore mykje snakk om at influensaen i år kan gjere deg ekstra sjuk.

Når NRK møter Hernes, set ho vaksinen på Merete Karlsen.

– Eg gjer det eg kan for å unngå å bli sjuk, og pleier alltid å ta influensavaksinen, seier Karlsen.

Kristina Hernes, apotekteknikar hos Boots Apotek Kristiansand, gir Merete Karlsen årets dose med influensavaksine.

Førre veke fekk alle over 65 år ei påminning om å vaksinere seg. Det er fleire grunnar til at myndigheitene anbefaler ein stor del av befolkninga å gjere dette.

Influensasjukdom aukar risikoen for andre sjukdommar, som hjarteinfarkt, slag og forhøgd blodtrykk.

Det viser seg også at ein har seks gonger større risiko for å få hjarteinfarkt veka etter ein influensainfeksjon.

Om ein vaksinerer seg, kan risikoen for å få eit hjarteinfarkt reduserast med 26 prosent, kjem det fram i ein studie.

Det er likevel ulike meiningar om vaksinasjon.

Hilde Flystveit, som vi møter på bytur, droppar den.

– Eg har tenkt på det, men trur kroppen har godt av å bygge opp litt immunforsvar. Det gjer ikkje noko å bli sjuk, seier ho.

Venninna Miriam Lode ser annleis på det.

Ho tar vaksinen fordi ho jobbar innan helse.

– Eg jobbar i helsevesenet og er i kontakt med mange gamle menneske som treng vern, seier ho.

Venninnene Hilde Flystveit (til venstre) og Miriam Lode ser ulikt på influensavaksinasjon.