Herold

Høgresida i politikken på Voss, inkludert den nye medlemen Senterpartiet, sende på torsdag ut ei jolehelsing til bygdefolket: Er du, eller skulle du i framtida bli misnøgd med ein vedteken reguleringsplan, så er det berre å laga eit himla spetakkel. Har du råd til dyre advokatar, og kan du mobba eller bølla med andre i prosessen, vil du etter kvart bli løna med eit nytt vedtak med ein reguleringsplan etter din smak.

Kva skal vel høgresida seia til alle de som i tusental demonstrerte, sende høyringsuttalar, skreiv lesarinnlegg i lokalavisa eller på anna vis engasjerte seg for ein reguleringsplan for Bømoen som tek vare på idrett, friluftsliv og natur? Er det snart deira tur til å bråka, bølla og mobba?

Det stundar mot jol, ei tid for ettertanke. Kanskje bør medlemer i Senterpartiet tenkja gjennom kva dei har fått til med det 14 år lange raud-grøne samarbeidet?

Ap og SV: – Sp har brote det raudgrøne samarbeidet

Kommune-TV grusa rekorden: – Over 9000 sjåarar!

Ordføraren opnar opp om forhandlingane. – Me har skalla hovuda og drege i kvarandre