Herold

Blei avslutta med å passe på køen på Best i Førde.

Julebordsesongen kan ofte vere årets travlaste for politiet land og strand rundt.

Utestadene fyller seg opp, og det same gjer alkoholnivået i blodet til folk.

Då blir køane lengre, og stemninga ofte litt meir amper. Men sunnfjordingar er trass alt eit hyggeleg folkeslag. Fungerande politistasjonssjef i Sunnfjord-politiet, Magne Straumstein, har ikkje mykje vondt å seie etter at den siste julebordshelga blei unnagjort:

– Det har ikkje vore verre enn det plar å vere! Som normalt, vil eg seie. Litt meir amper stemning og lengre køar, men det har eigentleg gått veldig greitt. Vi har ikkje hatt nokre store saker, seier Straumstein.

– Ein normal julebordsesong, summerer han opp.

I helga fekk dei litt småplukk å hanskast med. Spesielt mykje aktivitet var det rundt Best-stasjonen i Førde sentrum.

– Det har vore 30-40-50 menneske samla der fleire gonger. Då kan det bli litt ampert og småknuffing i køen. Vi har vore til stades der for å halde kontroll, seier Straumstein.

Det var berre nokre få hendingar politiet måtte kople seg inn på i helga:

Ungdommar kasta flasker i Førde sentrum

Slått til på uteplass i Førde

*Elles stoppa UP ein bil i Førde laurdag. Dei køyrde bak bilen, sjekka den opp, og fann ut at den mangla forsikring. Bilen blei avskilta på staden. *

Glatt på E39 mellom Sande og Førde