Herold

La oss følge Rune Indrehus sin prisverdige logikk: «Kunnskap før konklusjonar».

Ny informasjonssjef blei tilsett i Zephyr 1. februar 2023. Han er utdanna journalist med lang erfaring frå mediebransjen. Frå 2011 til 2014 var han instituttleiar ved Institutt for journalistikk. Han har mellom anna vore sjefredaktør i avisa Glåmdalen. Frå 2013 til 2014 var han også dagleg leiar av avisa. I tillegg ei rekkje andre jobbar innan informasjonsarbeid, mellom anna for Fredrikstad kommune. Det er denne kapasiteten Zephyr no har sikra seg, under mottoet «berre det beste er godt nok», for å sikre sitt hovudmål: maksimal finansiell gevinst. Selskapet har, med hjelp av Bremanger kommune, etablert eit informasjons- og marknadsføringskontor i kommunesenteret Svelgen.

*Selskapet er eigd *av Østfold Energi (50 %) og Vardar AS (50 %). Østfold Energi er eigd av kommunar og fylkeskommunen i Østfold, medan Vardar er eigd av kommunar i tidlegare Buskerud fylke og Asker kommune. Målet med eigarskapet er i stor grad finansielt grunngjeve, for å gi eigarane god avkastning i form av høgt utbyte og verdiskaping i selskapet (kjelde Wikipedia). Det står ikkje eitt ord i selskapet sin strategi om vern av ein intakt og livskraftig natur, reduksjon av klimautslepp eller vern om nolevande og framtidige generasjonars livsgrunnlag.

Fakta om Zephyrs hensikter er dermed fastslått. Selskapet kjem derfor til Bremanger kommune, der dei sannsynlegvis finn så godt som gratis tomter til si verksemd, i motsetnad til kostnader på eige areal. Dei møter også ein kommune med svakt immunforsvar mot økonomiske «rovdyr», som berre har økonomisk profitt som mål. Selskapet slepp dessutan belastninga med å gjennomføre planar for vindkraft i eige område. Den «støyen» dei møter i Bremanger, vil vere ein bagatell samanlikna med den motstanden selskapet ville blitt møtt med av bebuarar i eige nærområde.

Nokre fakta om livsløpsanalysen for vindkraft

Frå starten av produktet – planlegging, høyringsrundar, konsesjonsbehandling, transport og bearbeiding av materialar, energibruk, kilometervis med vegar, store betongfundament – og vidare gjennom om lag 20 år med spreiing av mikroplast, fugledød, iskasting og risiko for havari og oljelekkasjar/vassforureining, til demontering, gjenvinning, opprydding, tilbakeføring av øydelagd natur og deponering av avfall, fører verksemda til betydelige miljø- og naturkonsekvensar, både for menneske og natur.

Starten på produktet ligg mellom anna i gruver og oljebrønnar. Det trengst materialar som stål, glasfiber, aluminium (transport av bauksitt frå Sør-Amerika), kobolt (som mellom anna kjem frå gruver i Kongo med utstrakt bruk av barnearbeid, eigd av Kina), olje og ei rekkje andre innsatsfaktorar med betydeleg utslepp til miljøet.

Dei som er interesserte, blir inviterte til å studere livsløpsanalysane i detalj, og dermed få eit grunnlag for å sjå om dette er «rein energi». Bård Vegar Solhjell, leiar for Fornybar Norge, brukte nemninga «rein energi» om vindkraft i programmet Debatten på NRK nyleg.

Argumentet om at fossil energi er verre, lukkar augo for at lågare utslepp frå vindkraft likevel kan passere, sjølv om dette i betydeleg grad er både naturøydeleggande og problematisk.

*Dette er berre *nokre fakta som Rune Indrehus etterspør. Det er også verdt å merke seg at agnet om økonomisk profitt er lett å svelgje, både for kommunen og grunneigarar, som får seg forespegla eit «Fata Morgana» kort veg inn i framtida, med store økonomiske gevinstar. Store motsetnader og konfliktar som oppstår i lokalsamfunnet, bryr selskapet seg fint lite om. Den einaste innsatsen grunneigarane treng å yte, er å underteikne avtalen med Zephyr – ein avtale som er hemmeleg og underlagd teieplikt – med ein billig kulepenn.

*Det er presentasjonen *av desse følgjene og moglegheitene informasjonssjefen får betalt for å presentere frå marknadsføringskontoret i kommunesenteret Svelgen. Det kan bli interessant å følgje med på kva hans kollegaer – avisredaktørar og journalistar i våre lokalaviser – vil gi uttrykk for når «støtet settes inn» for å nå Zephyrs målsetting: maksimal inntening for sine eigarar. På andre kommunars grunn.

*Selskapet fekk nyleg *nei av sine eigarkommunar for bygging av tre nye vindparkar på eigen grunn. Dobbeltmoralen skrik mot oss.

*Så overlet eg *til Rune og Margunn Indrehus og andre å konkludere på grunnlag av nokre få fakta i saka.

Hadde ikkje førre rådmann ført kommunen inn i eit uføre som savnar sidestykke – Terra-saka – hadde kommunen hatt pengar til mykje av det Margunn Indrehus skildrar. Tom Joensen kunne spart eit stort tal arbeidstimar, med kommunal løn, brukt på å rydde opp i rotet, og i staden nytta arbeidstida til langt meir fruktbare oppgåver over lang tid.

Brennemerking av omsøkt vindkraftnatur

Arbeidsmål må vere kunnskap før konklusjonar

Myklebust og Ramskredfjellet bør skjermes mot vindkraftutbygging

Vindkraftplanar i Bremanger: Mellom tidleg prosess og sterk motstand