Herold

Slik jobbar Statens vegvesen med å sikra skredutsette riksveg 13.

Det pågår for tida fleire arbeid med skredsikring av riksveg 13 i Suldal.

– Vi jobbar kontinuerleg med skredsikring i dette skredutsette området. Vi jobbar systematisk proaktivt frå Nesvik og oppover. Vi har to reinskelag i arbeid for å få dekka området best mogleg. Det eine laget er no i Kilane, det andre er i Mokleiv, seier byggeleiar Gunn Skjærbekk i Statens vegvesen i ei pressemelding.

Begge reinskelag har tatt ned store steinmengder og køyrt vekk. Det er rydda for buskar og tre i skjeringane, og dessutan grøfta undervegs.

– Statens vegvesen har eit inspeksjonsregime på alle våre vegstrekningar. Dette skal bidra til at vi har oversikta over tilstanden på og ved vegen. Vi tek ned stein for å forhindra skred seinare. Geologisk kompetanse er avgjerande. Deira råd og rettleiing er brukar vi heile tida, seier Skjærbekk.

Nye bilde frå områda viser at store mengder stein er tatt ned frå fjellsidene.