Herold

Ekteparet Sandra og Georg Røssland som kvart år arrangerer julemarknaden «Jul i Toragarden» på Sunde har ikkje vore bortskjemde med fint vêr. Årets utgåve 20. desember var derimot fri for regn, og etter at Høyåker musikkorps hadde spelt jula inn, gløtta til og med sola fram. Fleire nye utstillarar hadde funne vegen til Toragarden i år, og om det var nokon som enno ikkje var komen i julestemning, så hjelpte det truleg med eit besøk her.