Herold

Men ikkje som barnehage!

Hagahaugen er utvikla og oppført som eit svært spesialisert anlegg for rehabilitering og ymse helseføremål. Med nærleik til Voss sjukehus og i samarbeid med Helse Vest. Alle naudsynte funksjonar og krav var oppfylte, og med ei unik naturleg plassering, låg alt til rette for å drifta det slik som planlagt. Men tilskota frå helseforetaket vart diverre ikkje vidareført kort tid etter oppstart, og planlagt drift har difor ikkje vore mogeleg. Dette har medført store utlegg for heradet. Utfordringa er no å nytta anlegget meir i retning av opprinnelege føremål. I dag kan det vera med ymse helsetenester, eldreomsorg, rehabilitering, dagavdeling og korttidsopphald.

Nedre etasje har i seinare år vore nytta som barnehage, og vart oppstarta som mellombels løysing. Dei tilsette har vore kreative, og gjort sitt beste for ei akseptabel drift. Men bygningane her er heilt spesialutvikla for sine føremål, og høver svært dårleg for dei fleste andre funksjonar. Ein barnehage er også eit svært spesialisert anlegg, både bygningsmessig og med naudsynte uteareal. Her er detaljerte krav til planløysingar og kva rom som er påkrevd. Mottaksrom, opphaldsrom, leikeareal, grupperom, delte garderobar, vaskerom / toalett, kjøkken, spiserom osv. Tilsvarande detaljerte romkrav også for dei tilsette. Det er lite godt at slike spesielle funksjonar skal foregå i eit anna anlegg, som er spesialisert for heilt andre føremål. Som då må også byggjast om og tilpassast.

Dei eldste bygningane på Hagahaugen vart oppført på 50-talet av Bergen Trygdekontor, og ferdigstilte i 1959. Heradet fekk overta anlegget på 80-talet, under føresetnad at det skulle nyttast til opprinnelege føremål, dvs. rehabilitering og opptrening. Det kom etter kvart statlege føringar mot kommunane om opprusting av slike anlegg. Hagahaugen vart så vidare utvikla i nært samarbeid med Helse Vest, som også var positive til framtidig bruk. Det vart fyrst bygt eit moderne varmtvanns- og terapibasseng med tilhøyrande fysioterapi og behandlingsrom, ferdigstilt i våren 2000. Ny sengfløy kom så i tre høgder med div trenings- og forsamlingsrom, og stod ferdig i 2008.

I ny strategiplan for skular og barnehagar er det no framlegg om å slå saman barnehagen på Gjernes og Hagahaugen, noko som medfører ei dobling av utnyttinga der oppe. Det kan stillast nokre spørsmål til dette:

Eit godt minne frå opningsfesten for byggearbeida: Tidlegare kommuneingeniør Sjur Himle hadde vore der ei tid, og vart naturleg med på samkoma. Han hadde vore oppe med fuglane ein morgon, og sete og sett utover. Han var overtydd om at frå skaparen si side, så fanst det ikkje noko betre føremål for denne plassen. Og han kjente på seg sjølv: Her oppe kan ein ikkje anna enn å verta heilt frisk!

Så lukke til vidare med å få i gang att drifta slik som planlagt.

No er høyringsfristen ute: – Siste innspel kom inn ein halvtime før

Kritiske til samanslåinga: – Urealistisk at dette skjer utan ekstra midlar

Skuffa over oppmøtet då framtida til skulane vart lagt fram på Voss