Herold

I statsråd fredag vart Kvitingsmorki naturreservat i Årdal kommune utvida.

– Kvitingsmorki naturreservat har fått ny verneforskrift og dekkjer eit større areal. Vernet bidreg til å sikra viktig natur for framtida, skriv Statsforvaltaren i Vestland.

Kvitingsmorki naturreservat vart etablert 17. desember 1999, som ein del av verneplanen for barskog i Vest-Noreg. Dette var før ordninga med frivillig skogvern vart etablert. Det opphavlege naturreservatet var 17 300 dekar stort. Kvitingsmorki er med dagens vernevedtak utvida med 580 dekar (378 dekar produktiv skog).

Nytt totalareal for Kvitingsmorki er no 17 951 dekar.

Arealet ligg i Årdal kommune, men grensar til Lærdal kommune og det nyetablerte Bermålsnosi naturreservat.

– Utvidingsarealet husar mykje av den same skogen som låg innanfor den tidlegare vernegrensa til Kvitingsmorki frå 1999. Der finn me i stor grad boreal barskog og noko edellauvskog ned mot Bermålsnosi. Med utvidingsarealet, omtalt som Skogateigen, inkludert i naturreservatet dekkjer vernet no meir av nedbørsfeltet og bind saman Kvitingsmorki med Bermålsnosi. Saman utgjer desse to verneområda ei samanhengande fjordside med verdifull skog frå fjord til fjell, skriv Statsforvaltaren.

Regjeringa vedtok vern i Lærdal: – Naudsynt for å sikra mangfaldet