Herold

Fredag var det invitert til Førjulsstemning i Skrivarhuset, og gjestene møtte ein strålande julepynta Skrivargard. Der vart det ein stemningsfylt konsert med Silje Skare Storhei og Anna Margrete E. Grønsnes på toradar og hardingfela. Seinare vart det servert rømmegraut med tilbehøyr, før leiar i Utval for Kultur og levekår i Ullensvang kommune, Marit Jensen Måkestad, sto for utdelinga av kulturprisen 2024. Den vart samrøystes vedteke tidlegare i år. Prisen går både til stiftinga og til venelaget for deira formidable arbeid over mange år.