Taparlaget

Skrevet av Hans M. Gautefall

Når ein driftar ein kommune så er det kjekt å vite kva det går ut på.

Korleis ser den ut? Geografisk, kulturelt, næringsmessig og organisatorisk.

Mange ting skal ein ha med seg, kor kan veksten og utviklinga skje, kor forsvinn pengane, og kven skapar verdiane.

Kor skapast optimismen, kva gjer vi for å få unge til å busette seg her.

Nedleggelsen: – Veldig trasig

I Drangedal er det taparlaget som styrer.

Det betyr at rundt neste sving vil det med denne haldninga vere delar av kommunen som står for fall. Krokungane bør vere på vakt.

Det er symptomatisk at kommunestyret faktisk vil gje dødsstøyten til den delen av kommunen som faktisk skapar verdiar.

Dersom ein trekker ein sirkel rundt Prestestranna så er det er det rådande nå, at alt skal innanfor denne av kommunale tenester og institusjonar. Det formidlast med nedlatande uttalelsar frå sentrale politikarar.

Det nye mantra er lovpålagte tenester, det blir brukt som ein herskarteknikk, der alt som fell utanfor skal bort. Ikkje kom her med noko anna, vi veit best.

Tørdal skules skjebne er avgjort

Visst har kommunen dårleg råd, som så mange andre, men kva gjer kommunen sjølv anna enn å legge ned skular?

Vel er det lovpålagte oppgåver, men kven spør om korleis desse drivast? Kor mange stillingar er kutta innan dei ulike sektorane?

Det er meir enn 600 tilsette i kommunen (ifølge eigne heimesider). Det er godt gjort å ikkje greie å redusere noko her gjennom omorganisering, utvikling av fleirferdigheit og nedbryting av faglege barrierar? 10 prosent? 15 prosent?

Det finst fleire kommunar på vår storleik som ikkje har kraftinntekter. Korleis ville Drangedal sett ut utan dei?

Barnehage-thriller i budsjettmøtet – nå er saka avgjort

For ein som har jobba i privat næringsliv i meir enn 40 år så undrar det meg over denne la det skure-haldninga. Å snu alle steinar betyr å snu dei, ikkje berre sjå på dei på avstand.

Når kommunen ikkje tek ansvar, så er det bra at tørdølane ser framover og vil kjempe for utvikling og framsteg. All støtte til arbeidet med ein privat skule i Tørdal frå hausten 2027.