Herold

Harald Kvame (17.04.1952–1.12.2025)

Det er med stor sorg vi har motteke meldinga om at Harald Kvame har gått bort. Våre tankar går til hans næraste familie i denne tunge tida.

Harald Kvame har gjennom fleire tiår vore ein sentral og høgt respektert person i anleggsbransjen og i Maskinentreprenørenes Forbund (MEF). Han var ein mann med stor fagleg tyngde, eit varmt hjarte og eit sterkt engasjement for bransjen. Harald var kjent for sin ryddige og ærlege framferd, sin rausheit og sin vilje til å stille opp for andre. Han kombinerte stor arbeidskapasitet med eit smittande humør og gode historier som gjorde han til ein kjær kollega og ven for mange.

Gjennom sitt yrkesliv har Harald arbeidd med nydyrking som gav bøndene nye høve til å utnytte jorda. Han har og bygd vegar, grøfta, grave og lagt grunnlag for bustader og næringsbygg. Harald var ein praktikar med stor respekt for faget, og han heldt fram med å vere aktiv i bransjen sjølv under sjukdom og krevjande behandling.

Harald sitt engasjement i MEF strekkjer seg over nær to tiår. Han har hatt ei rekkje sentrale verv:

2004–2006: Medlem i valkomiteen til avdelingsstyret Sogn og Fjordane2006–2009: Leiar i valkomiteen til avdelingsstyret Sogn og Fjordane2009–2022: Leiar i avdelingsstyret Sogn og Fjordane2009–2016: Medlem i Representantskapet2016–2022: Ordførar i Representantskapet2014–2016: Varamedlem i Hovudstyret

For sin langvarige innsats har Harald motteke både sølvnål og gullnål for høvesvis seks og ti års teneste i Representantskapet og Hovudstyret. Dette er utmerkingar som understrekar den store betydninga han har hatt for organisasjonen og bransjen.

Harald Kvame vil bli hugsa som ein som bygde meir enn veg – han bygde fellesskap. Hans innsats, klokskap og varme vil leve vidare i minnet til alle som fekk gleda av å kjenne han.

Vi lyser fred over Harald Kvame sitt minne.