Tre bilar i trafikkulykke – involverte får førstehjelp på staden

Vegbanen på staden er svært glatt.

Les også

Tidligere høyretopp sammenligner «nye sentrum» i Trondheim med Berlinmuren

Front mot front-kollisjon på E39 i Melhus

Naudetatane er på ulykkesstaden i Melhus i Trøndelag.

– Ein person fremstår som noko meir skadd enn dei andre, men alle er ved bevisstheit, opplyser operasjonsleiar Bjørnar Gaasvik.

Alle tre involverte blir tatt med til sjukehus i ambulanse for oppfølging av helsepersonell, fortel han.

Vegen er førebels stengd. Bilbergar er på veg til staden.

Bussen var ikkje involvert i sjølve ulykka, men sette seg fast da han skulle stanse.

Gaasvik fortel at vegbanen på staden skal vere svært glatt.

– Ein bil skal ha køyrt inn i sida på motgåande bil, deretter i fronten på neste bil.

Det er 70-sone på staden. Dei involverte fekk førstehjelp før dei blei sendt til sjukehus.

– Prioritet på staden no er å sikre skadestaden, samt førstehjelp til dei involverte, opplyste operasjonsleiar Bjørnar Gaasvik klokka 16.39.

I 17-tida fortel Gaasvik til NRK at politiet no gjer undersøkingar på staden.

– Det er svært glatt på staden, så det spørst om den eine bilen har sklidd over i motsett og mista litt kontrollen.

Bilbergar er veg til staden, men det vil ta noko tid før vegen igjen kan opnast.

– Også var det ein buss som skulle stoppe i forbindelse med ulykka, men som også sklei litt ut. Så også den må bli berga.

Det var svært glatt på vegen der ulykka skjedde.

Klokka 16.50 opplyser politiet at ambulanse og legevaktbil er på staden.

– Politiet fekk melding om hendinga frå ein alarm frå ein Iphone som ringde automatisk inn til 110-sentralen.

Vegen er førebels stengd på staden.