Herold

Ein mann er flogen til Førde sentralsjukehus etter ei arbeidsulykke i Fjaler, melder politiet.

Dei fekk melding om ulykka kl. 18.40 onsdag.

Mannen i 20-åra jobba inne i eit industriområde då han blei påkøyrd av ein truck.

– Beina hans kom i klem mellom trucken og nokre betongelement, opplyser operasjonsleiar i Vest politidistrikt, Morten Rebnord.

Skadeomfanget på mannen er ikkje kjend.

– Mannen var vaken og bevisst då han blei transportert til sjukehuset. Politiet er på staden, avhøyrer vitne og gjer tekniske undersøkingar, seier Rebnord.

Arbeidstilsynet vil bli varsla.