Herold

Hilde Hefte har slite med astma sidan ungdomstida. Etter at ho begynte å trene regelmessig har ho lagt bort medisinane.

Saka samanfatta:

Avgjerande med trening

Dette er astma

Plagene blir reduserte

– Ikkje overraska

– Ver varsam

Treningstips:

Andre gode grunnar til å vere fysisk aktiv:

– Nå tør ho presse seg

Hei!

Les også

Ny forskning viser sammenheng mellom svevestøv og astma hos barn – nivået måles ikke

• Hilde Hefte, ein 69 år gammal jazzmusikar, har opplevd stor betring i astmaplagene sine gjennom regelmessig trening. • Trening som styrke, løping og yoga har styrkt pustemuskulaturen, auka lungekapasiteten og gitt henne ein mental opptur. • Ekspertar bekreftar at trening reduserer astmaplager ved å styrke pustemuskulaturen og auke ventilasjonen i lungene. • Astmatikarar bør ta forholdsreglar som oppvarming og unngå kulde, og alltid følge råda til legen om medisinar. • Hefte har gått frå å vere redd for å presse seg til å springe halvmaraton og løfte tunge vekter, noko som viser samanhengen mellom fysisk og mental styrke. • Trening kan ikkje kurere astma, men det kan redusere behovet for medisinar og gi betre livskvalitet.

Oppsummeringa er laga av ei KI-teneste frå OpenAI. Innhaldet er kvalitetssikra av NRKs journalistar før publisering.

«To til. Det er bra!»

Hilde Hefte bit tennene saman. Ho veit det lønner seg å høyre på trenaren.

– Eg har tenkt å stå på scena til eg er 95. Det er berre å gjere som Wiggo seier.

69-åringen er jazzmusikar og ekstra sårbar om pusten ikkje held mål.

– Tidlegare var det som å ha eit lokk over lungene. Eg fekk ikkje nok luft til å synge som eg ville.

Hilde Hefte får god hjelp av trenar Wiggo Nordheim. Han motiverer og rettleier.

For nokre år sidan begynte Hefte å trene regelmessig. Pusten blei lettare. Ho kjente seg tryggare på scena – og fekk også ein mental opptur.

– Eg trenar styrke og spring, men gjer også yoga, og trur det er denne kombinasjonen som gjer meg så godt.

At det hjelper er udiskutabelt, fortset ho.

– Om eg slurvar med treninga må eg fram igjen med astmasprayen.

– Å puste utan problem er ei fantastisk fridomskjensle, seier 69-åringen.

Kjelde: NAAF.no

– Astma er ein betennelse i luftvegane, og trening er i seg sjølv inflammasjonshemmande, seier Helle Stordrange Grøttum, sjukepleiar i LHL.

Ho forklarer at det ikkje er mogleg å trene seg frisk frå astma, men at trening vil gjere dei fleste betre.

*– Trening styrker pustemuskelen og aukar lungekapasiteten. *

Når du får opp pulsen bruker du ein større del av lungene. Då ventilerer du betre og får auka luftpassasje, fortset ho.

– Ein kropp som blir i betre form vil også tole meir.

Helle Stordrange Grøttum, sjukepleiar i LHL, anbefaler trening til dei med astma.

Overlege og professor innan øyre-nase-hals-sjukdommar Sverre Steinsvåg blir ikkje overraska når han høyrer om Hefte.

– Eg er ikkje overraska, nei. Det er godt dokumentert at regelmessig trening og mosjon reduserer astmaplager og gir færre og mindre alvorlege astmaanfall.

Sverre Steinsvåg, overlege og professor i øyre-nase-hals-sjukdommar ved Sørlandet sjukehus og Universitetet i Bergen.

Han understrekar at trening er bra for alle. Men astmatikarar opplever gjerne ei større betring fordi dei plagsame pusteproblema blir reduserte.

– Det handlar om at trening styrker muskulaturen i brystkassa og mellomgolvet slik at heile pustearbeidet går lettare.

Det er likevel viktig at astmatikarar tar forholdsreglar.

– Varm godt opp og ver spesielt varsam med å trene i kulde. Kulde kan forverre astmaplager.

Dersom du bruker astmaførebyggande medisinar bør du heller ikkje slutte med dei, tilrår han.

– Dei fleste opplever at treninga gjer at dei treng mindre medisinar, men forhold deg alltid til råda frå fastlegen.

Rundt 5 prosent av den vaksne befolkninga har astma. Styrketrening reduserer ofte sjukdomssymptom.

Det er stor helsegevinst i å vere litt aktiv i løpet av arbeidsdagen. Bryt gjerne opp stillesitting kvar annan time med 10 minutts aktivitet, for eksempel:

Det er mykje mosjon i å gå:

All aktivitet hjelper - for kvart 25. minutt med husarbeid reduserast risikoen for hjerteinfarkt ned med 6 prosent.

Kilde: LHL.no

Wiggo Nordheim er Hilde Hefte sin personleg trenar. Han har følgt henne tett i fleire år, og har sett forbetringa på nært hald.

– Tidlegare var ho redd for å presse seg på grunn av pusten. Alt blei lettare då ho klarte å overvinne frykta.

Han er tydeleg på at det fysiske og mentale heng saman.

– Mykje sit i hovudet. Hilde har blitt mykje betre etter at ho skjønte at ho klarte meir enn ho trudde. Før sprang ho aldri, nå løfter ho tunge vekter og har sprunge halvmaraton.

– Ikkje la dine eigne avgrensingar hindre deg i å trene, men oppsøk hjelp om du er usikker, seier personleg trenar i Sats, Wiggo Nordheim.

Takk for at du leste denne saken. Har du tips til andre saker jeg bør skrive om?

• Astma er ein kronisk lungesjukdom som er prega av vedvarande betennelses- eller irritasjonstilstand i luftvegane (bronkiane).
• Dette fører til auka oversensibilitet i luftvegane, som gir varierande symptom som hoste, tung pust, pipelydar i pusten, hyppige luftvegsinfeksjonar, dårleg søvn og nedsett aktivitet.

• Astmadiagnosen varierer frå mild til alvorleg og du vil oppleve gode og dårlege periodar med astmaen din.

• Få deira treningstips lenger nede i saka.

• Armhevingar mot pulten

• Halde ei tung bok over hovudet og løfte opp og ned bak hovudet
• Ta knebøy mot kontorstolen
• Stå på huk inntil veggen i 90 graders vinkel

• Ta legghev – stå på tå og løft leggene i 10 sekund

• Går du i et tempo som tilsvarer minimum 4,8 kilometer i timen reduserast sjansen for hjarte- og karsykdom, og å døy av hjarte- og karsykdom med 50 prosent, sammenliknet med de som gikk sakte.