Herold

Regjeringa vil sikre at det kan bli ein folkefest under VM, sjølv om fleire av kampane blir spelte etter endt skjenketid på utestestader.

VM i USA vil gi nattkampar

– Fantastiske nyheitar

Les også

Klokken 8 skulle champagnen sprette

Strenge reglar

Les også

Uenighet om skjenking under VM: – Hvilke politikere tør å si nei?

*– Vi skal sjå på kva som må bli gjort, om det blir regelendringar eller andre tiltak som trengst. *

Det seier statsminister Jonas Gahr Støre (Ap) til NRK om korvidt nordmenn kan samlast under VM, også midt på natta.

Det har vore eit stort engasjement for det norske herrelandslaget, som no har kvalifisert seg til fotball-VM.

Fredag og laurdag blei kampane til Noreg trekt ut, vi veit no når vi skal spele.

Neste sommar blir VM arrangert i fleire ulike byar i USA, eit land som ligg fleire tidssoner bak Noreg.

Det betyr at fleire av kampane vil gå på tidspunkt som for oss er seint på kvelden eller midt på natta.

Ein pils til kampen kan vere godt, men Noreg skal spele fleire kampar etter skjenketid.

NRK har tidlegare skrive om kva for utfordringar dette kan skape for utelivet, sidan mange ønskjer å følgje kampane direkte.

– Det er ein tradisjon i Noreg at folk går på utestader for å sjå kampar saman, og det meiner vi at dei skal kunne gjere i full kamp.

Han legg til:

– Dette er noko vi skal finne ei løysing på i god tid før VM, seier Støre.

Arbeidarpartiets parlamentariske leder Tonje Brenna kjem med same lovnad.

*– Klart folk skal få sjå fotball-VM. Også på pub. Også når kampane blir spelt på natta. Om vi har reglar som hindrar dette, må vi løyse det. Det lovar Arbeidarpartiet, skriv ho på Facebook. *

Tonje Brenna er klar på at vi skal få sjå fotball på pub.

Det får serveringsbransjen til å juble.

– Dette er fantastiske nyheitar. Det er bra at Tonje Brenna og regjeringa skjer gjennom og sørger for at VM blir ein folkefest. Serveringsbransjen står klar til å bidra, seier bransjesjef for servering i NHO Reiseliv Tobias Strandskog-Christensen.

I forrige veke blei det klart at Noreg møter Senegal og Frankrike i gruppespelet under VM i USA. Motstandar nummer tre blir klar til våren.

Det betyr at i alle fall Senegal-kampen blir ramma av dagens skjenkereglar. Den startar klokka 02 norsk tid.

Det er i utgangspunktet strenge skjenkereglar her til lands.

Det er kommunane som bestemmer når utestader får servere alkohol, og dei fleste har hatt skjenkestopp rundt klokka 02 til 03 i mange år.

Samanlikna med nabolanda våre er reglane strenge.

I Sverige kan kommunar gi utvida skjenketid, men ofte stenger dei rundt klokka 01.

I Danmark er reglane mykje friare. Der kan mange stader halde ope til klokka 05 eller endå lenger, dersom dei får løyve til det.

I Noreg har alkohollova vore nesten uendra i mange år.