– Ikkje utbygde vassdrag må få varig vern!
Plus
Resolusjon til Statsforvaltaren i Møre og Romsdal.
Svært mange elvar og vatn i Møre og Romsdal har fått inngrep i form av store og små kraftverk. Det som er igjen av elvenatur må no få varig vern.
Vassdraga som er igjen krev store inngrep og investeringar i forhold til utbytte av kraft. Elvane er livsnervar og det biologiske mangfaldet er avhengig av naturleg varierande vassføring.
Naturvernforbundet i Møre og Romsdal vil oppmode Statsforvaltaren om å ta opp att arbeidet med å sikre varig vern av dei delane av vassdraga som no er att. Dei ikkje utbygde elvane må få renne fritt i all framtid!
Gjennom internasjonale avtalar forpliktar Noreg seg til å verne 30 prosent av landarealet innan 2030 og restaurere 30 prosent av øydelagt natur.
Vassdragsnaturen har lidd mykje; Det er berre 30 prosent igjen som ikkje er påverka av kraftutbygging! Noreg har difor eigentleg alt forplikta seg til å gi dei attverande, verdifulle elvane varig vern.
Vedteke i årsmøtet 21/3 - 2026
Naturvernforbundet i Møre og Romsdal