Frivilligsentralen har flytta til nye lokale
Plus
Vaksdal frivilligsentral har flytta inn i nye lokale pÄ Daletunet. Koordinatoren vonar kontoret no blir meir tilgjengeleg for innbyggjarane.
Vaksdal frivilligsentral heldt tidlegare til i femte etasje i Heradshuset pÄ Dale. No har frivilligkoordinator Maren Amanda Thorkildsen fÄtt plass i inngangspartiet pÄ Daletunet.
- Frivilligsentralen skal vera ein lÄgterskel mÞteplass for alle. Eg opplevde at fÄ visste om kontoret vÄrt dÄ det lÄg i Heradshuset, sÄ fordelen her er heilt klart at ein er meir tilgjengeleg og synleg for folk, seier Thorkildsen.
SjÄ det nye kontoret til frivilligsentralen
Framskunda flyttinga
Koordinatoren hadde tidlegare tenkt pÄ Ä byta lokale. Den opphavlege planen var Ä venta til etter den planlagde ombygginga av Daletunet.
- Etter eit samarbeidsmĂžte med helseavdelinga i kommunen fekk eg tilbod om Ă„ ta over desse lokala. Rommet vart tidlegare brukt som utstillingsrom for hjelpemiddel, seier Thorkildsen.
Vil bruka fellesareal
Frivilligkoordinatoren flytta inn i dei nye lokala fÞrre veke. PÄ sikt er mÄlet Ä utvida aktiviteten til omrÄda rundt kontoret.
- Eg hĂ„par at me etter kvart ĂČg kan ta i bruk kantinearealet som ligg pĂ„ utsida av kontoret, seier Thorkildsen.