Herold

Ullensvang kommune har tildelt Ada Skjerven Spook talentstipend i kultur og idrett for 2026.

Det opplyser kommunen på sin heimeside.

Ada er 15 år og oppvaksen i Odda. Ho starta med alpin skisport då ho var fem år og har konkurrert aktivt som konkurransealpinist for Odda idrettslag heile oppveksten.

Dei siste åra har ho vunne kretscupen i Hordaland skikrins og òg levert gode resultat i nasjonale renn. Ho konkurrerer i alle disiplinar: slalåm, storslalåm og utfor.

I Hovudlandsrennet U16 leverte ho best samla resultat blant alle løparane. Ada satsar målretta og ønskjer å utvikla seg mot toppnivået innan alpinsporten.

Talentstipendet er på 10 000 kroner og skal anerkjenne og oppmuntre dyktige talent.

Ullensvang kommune skriv at dei ønskjer Ada lukke til vidare med skisatsinga.